Nun spiate a ‘stu core ‘e pueta

Pecchè ‘a tiempo nun scrive canzone

‘mpietto ‘o sento cchiù tuosto ‘e 'na preta

Sbatte sempe ma senza passione.

Guarda ‘o cielo e nun vede cchiù ‘o sole

Spisso zompa p’arraggia, p’’offele,

s’è appartato dint’’a nacajola

spaventato ‘a ‘sta torre ‘e Babele.

Penza, sulo, tremmanno ’e paura,

a ‘sti ccoseca le stanno attuorno,

‘sti palommecasempecchiù scure

‘o turturano, juorno pe’ ghiuorno.

Penza ‘ò sole schiuppato e spezzato,

a chest’ariaca leva ‘o respiro

penza a chello c’ha avuto e c’ha dato

e nun vede ca ‘o nnirocchiùnniro!

Penza ‘a maschera ‘e ggelocatrase

E nun trova mai chiusa na porta

E senz’ombra ‘e pietà dint’’e ccase

Scioscia ‘o sciato putente d’’a morte!

Penza a chi mò se ‘nfizzaint’’e vvene,

pe’ scurdarse, pe’ n’attimo, ‘o munno,

cu’’aserenga ‘o cchiù forte veleno

pe’ po’ scennere ‘nfunno, cchiù ‘nfunno…

Penza a chi dint’’a panza d’’a mamma

Sent’’o fierrovullenteca ‘o bruscia

E na voce, na voce che chiamma

Cerca aiuto, vurriavedè ‘a luce…

Po’ nun penza cchiù a niente, s’accuieta

Però chiagne, si , chiagne ‘e passione…

Nun spiate a ‘stu core ‘e pueta

Pecchè ‘a tiempo nun scrive canzone…